AGADIC CGAI
Twitter    Facebook    Buscar    Portada    Contacta castellano
english

Presentación
Programación
Exposicións
Blog de notas
Didáctica
Cursos e Seminarios
Publicacións
Biblioteca
Empresas e Recursos
Visionado de Películas
Préstamo VHS / DVD
Axudas e Lexislación
Buscador
PROGRAMACIÓN
OFF GALICIA
FRA DE SERIE
OLLADAS DE MULLERES NO MUNDO
PREMIS GAUD
ANIVERSARIO CGAI
CGAI JNIOR
LARRY GOTTHEIM
INFLUENCIA DE WENCESLAO FERNNDEZ FLREZ NO CINE ESPAOL
DA MUNDIAL DO TEATRO
CIRCUTO DE CINE INDEPENDENTE
NICOLS PEREDA e IGNACIO AGERO
DA DO LIBRO
DESENCADRES: STAN BRAKHAGE
GONZALO GARCA-PELAYO
PROGRAMACIN OURENSE
Fotografa en Curso
Mis informacin
Rúa Durán Loriga, 10 baixo
15003 A Corua
Galicia - Espaa
Teléfonos
Tlf.(34) 881 881 260
Fax.(34) 881 881 271
  cgai@xunta.es
 
Información xeral Galería  
Programas educativos no CGAI

No ano 2007 o CGAI pon en marcha actividades de didáctica centradas na formación de novos públicos e na posibilidade de contribuír a un maior coñecemento do labor de recuperación, restauración e difusión do patrimonio cinematográfico por parte do CGAI.
Dende o ano 2009, ademais da programación para os máis pequenos, o CGAI coordina en Galicia os programas pedagóxicos internacionais Cine en curso e Fotografía en curso, nos que participan centros escolares, filmotecas, museos, centros culturais, artistas, cineastas e docentes de Galicia, Cataluña, Madrid, Portugal, Arxentina, Croacia e Brasil.

CGAI Júnior. Ciclo de cine para familias

A través dunha gran variedade de títulos, éxitos comerciais, clásicos do cine, cinematografías doutros países, propóñense películas que pola súa singularidade cinematográfica poidan chegar a xerar "novas miradas" ou "novas sensibilidades".

A través de CGAI Júnior realizamos:

  1. Programación mensual para familias. Un sábado ao mes, proxectamos un título pensado para o público máis novo (3-11 anos) e para o que se elabora un folleto específico, que por un lado informa sobre o título que van ver e ademais propoñe algunha actividade sinxela para realizar en torno á película. Son películas de diferentes épocas, dende o cine mudo ata autores contemporáneos, e préstase especial atención a cinematografías doutras culturas máis ou menos afastadas ás que sería difícil acceder dende calquera outro circuíto de exhibición. A programación realízase sobre a base das pautas habituais de calquera filmoteca e sempre en consonancia coa programación xeral do centro.
  2. Programación para centros educativos. Elabórase un programa propio para escolas que visitan o centro cos seus alumnos e para os que se prepara un caderno con recursos didácticos específicos.
Cine en curso e Fotografía en curso. Programas de pedagoxía do cine e a fotografía

Cine en curso e Fotografía en curso, son programas de difusión e pedagoxía da creación, coordinados en Galicia polo CGAI e que se dirixen a alumnos de entre 3 e 18 anos. Son proxectos que integran diferentes axentes e ámbitos: alumnado, mestres e profesores, centros educativos, profesionais do cine e fotógrafos, museos e centros de arte, barrios e municipios. A través de Cine en curso e Fotografía en curso búscase unha aproximación dos nenos e mozos ao cine e á fotografía como algo vivo e vital, algo que lles fala e onde teñen que dicir cousas. A metodoloxía baséase na vinculación entre o visionado e a práctica, concibindo o cine e a fotografía como artes, procesos de creación e cultura. Trabállase conxuntamente con docentes e con profesionais do cine e fotógrafos.
Os programas desenvólvense en torno a 4 eixes de actuación: Talleres nos centros educativos; Formación aos docentes; Elaboración de recursos didácticos (e difusión a través das páxinas web www.fotografiaencurso.org e www.cineencurso.org); programación cinematográfica e talleres en museos e equipamentos culturais.

Ligazóns de interese

   
Web Fotografa en Curso

   
Web de Cine en Curso